Natasha Elcock varð innlyksa í íbúð sinni í Grenfell-turninum ásamt kærasta sínum og sex ára gamalli dóttur er eldurinn kviknaði aðfaranótt miðvikudags. Fjölskyldunni var sagt að halda kyrru fyrir íbúðinni. Elcock skrúfaði frá vatnskrönunum á baðherberginu til að koma í veg fyrir að reykur fyllti heimilið. „Baðherbergið var á floti. Þannig hélst íbúðin full af raka. Það gæti hafa bjargað lífi okkar.“

Fjölskyldan var innlyksa í 90 mínútur. Þá var hringt og þeim sagt að koma sér út. „Við reyndum að komast út um útidyrnar en hurðinn var of heit.“ Hún segir að þau hafi þá ákveðið að fara inn í það herbergi sem þau töldu öruggast. 

„Hurðin svignaði í hitanum og gluggarnir kraumuðu og sprungu. Þetta var skelfilegt.“

Elcock segir í samtali við Daily Star að hún hafi hringt um 100 sinnum á hjálp. Í eitt skiptið var símtalið hennar flutt yfir í símaver í Glasgow. 

Að lokum komu slökkviliðsmenn til þeirra og aðstoðuðu þau við að komast út úr logandi byggingunni. Fjölskyldan var flutt á sjúkrahús þar sem hún fékk meðferð vegna reykeitrunar.

Tengdar fréttir

Grenfell-bruninn í Lundúnum

Slökkvilið áminnt vegna mistaka við Grenfell-brunann

• Sýknaður vegna myndbands af Grenfell-líkneski
• Brenndu líkneski af Grenfell-turninum
• Fékk 6 ára dóm fyrir svik vegna Grenfell
• Reiði og sorg vegna Grenfell brunans

» Fleiri tengdar fréttir

• Blogga um frétt