Rannsaka hvers vegna flóðbylgja skall á þorpið

Mikið tjón varð þegar flóðbylgjan skall á land.
Mikið tjón varð þegar flóðbylgjan skall á land. AFP

Ekki liggur nákvæmlega fyrir hvað olli því að flóðbylgja skall á þorpinu Nuugaatsiaq á Grænlandi á laugardagskvöld að sögn jarðvísindamanns hjá rannsóknastofnun jarðfræði Danmerkur og Grænlands (GEUS). 

Þetta kemur fram á vef grænlenska ríkisútvarpsins. Fjögurra er saknað eftir að flóðbylgjan skall á þorpinu og hreif með sér ellefu hús. Þrír olíutankar eru á meðal þess sem hefur sést fljótandi í hafinu.

Mælitæki greindu bylgjur sem minna á jarðskjálfta en þær gefa einnig til kynna að stór skriða úr fjalli hafi fallið. Þetta segir Peter Voss hjá GEUS. Hins vegar er þörf á frekari gögnum, auk vitnisburðar sjónarvotta, til að staðfesta hvað gerðist í raun og veru. 

Enn fremur var talið hugsanlegt að skriða hefði fallið neðansjávar en aftur á móti er erfiðara að greina slíkt. 

Það liggur hins vegar fyrir að fyrstu mælingar um óróa urðu klukkan 21.40 að staðartíma (klukkan 23.40 að íslenskum tíma) í Nuugaatsiaq. Um átta mínútum síðar skall flóðbylgjan á þorpinu. 

GEUS íhugar nú að senda vísindamenn til Grænlands til að rannsaka atvikið betur. 

mbl.is

Bloggað um fréttina

Er kominn tími á framkvæmdir?
Múrari: Lögg. múraramei... og málari geta bætt við sig verkefnum, múrverk, flísa...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
START/BYRJA: 2018 5/3, 2/4, 30/4, 28/5, 25/6, 23/7, 3/9, 1/10, 29/10, 26/11: 4...
LJÓSMYNDANÁMSKEIÐ 20. OG 22. FEB.
2ja DAGA LJÓSMYNDANÁMSKEIÐ 20. OG 22. FEB. 2ja daga byrjenda ljósmyndanámsk...
 
Hádegisfundur
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Formannskjör
Fundir - mannfagnaðir
Formannskjör í Sjúkraliðafélagi Ísla...