Spænska konungsfjölskyldan, stjórnmálamenn og samfélag nautabana á Spáni syrgja nautabanann Ivan Fandino, sem var stunginn til bana af nauti í Frakklandi í gær.
Fréttir af dauða Fandino, sem var 36 ára, voru á forsíðu fjölda spænskra dagblaða í dag.
Á Twitter-síðu konungsfjölskyldunnar kom fram að Fandino hafi verið „frábær nautabani“, á meðan Mariano Rajoy, forsætisráðherra Spánar, sagði tíðindin afar sorgleg. Menntamálaráðherra Spánar sagðist einnig vera sorgmæddur yfir dauða hans.
Nuestro sentido homenaje y nuestro recuerdo para Iván Fandiño, gran figura del toreo.
— Casa de S.M. el Rey (@CasaReal) June 17, 2017
Nautabaninn Enrique Ponce vottaði Fandino, sem var þekktur fyrir hugrekki sitt, einnig virðingu sína. „Kæri Ivan „Toreazo“. Ég mun aldrei gleyma þér [...] þessir stórkostlegu eftirmiðdagar. Megi Guð taka á móti þér í öllu sínu veldi,“ skrifaði hann.
Querido Iván, TORERAZO, Siempre te recordaré en esas tardes compartiendo la gloria del toreo
— Enrique Ponce (@EPonceOficial) June 17, 2017
Dios te tenga en su GLORIA! #fandiñoeterno pic.twitter.com/svbBEPV3lW