Að minnsta kosti 43 hafa farist í miklum skógareldum í miðhluta Portúgals. Margir þeirra brunnu inni í bílum sínum er þeir reyndu að flýja í burtu, að sögn stjórnvalda.
Um fimm hundruð slökkviliðsmenn hafa barist við eldana og 160 faratæki hafi verið notuð en eldurinn braust út seint í gærkvöldi.
Talið er að þó nokkrir slökkviliðsmenn séu á meðal þeirra sem hafi slasast.
Eldarnir brutust út í Pedrogao Grande en dreifðust hratt um nærliggjandi svæði.
„Því miður virðist þetta veri mesti harmleikurinn sem við höfum lent í á undanförnum árum þegar kemur að skógareldum,“ sagði Antonio Costa, forsætisráðherra Portúgals.
„Tala látinna gæti hækkað,“ bætti hann við.