Árásarmaðurinn í París látinn

AFP

Maðurinn sem ók á lögreglubíl við breiðgötuna Champs-Elysees í París er látinn. Þetta staðfesti innanríkisráðherra Frakklands, Gerard Collomb.

Hann sagði að um „tilraun til árásar“ hafi verið að ræða.

Í bíl hans af tegundinni Renault Megane fundust byssur, Kalashnikov-riffill og flöskur með gasi, samkvæmt heimildum innan frönsku lögreglunnar.

AFP

Hvorki lögregla né óbreyttir borgarar meiddust í atvikinu, sem varð skammt frá sýningarhöllinni Grand Palais.

Að sögn talsmanns innanríkisráðherra var maðurinn dreginn út úr brennandi bílnum, illa slasaður. 

Sprengjusveit lögreglunnar er á vettvangi. 

Um tveir mánuðir eru síðan fransk­ur lög­reglumaður var skot­inn til bana við sömu breiðgötu í Par­ís, þrem­ur dög­um fyr­ir fyrri um­ferð for­seta­kosn­ing­anna í Frakklandi.

AFP
AFP
AFP
mbl.is
Fleira áhugavert
Fleira áhugavert