Fannst látin eftir árás fyrir utan mosku

Frá Virginíu.
Frá Virginíu. AFP

Lögreglan í Virginíu í Bandaríkjunum hefur fundið líkamsleifar sem hún telur að tilheyri 17 ára múslímskri stúlku sem ráðist var á nálægt mosku áður en hún hvarf.

Nabra var á gangi með vinum þegar þeir lentu í orðaskaki við bílstjóra. Maðurinn vatt sér úr bílnum og réðst á stúlkuna, samkvæmt vinum hennar. Hún hvarf en 22 ára karlmaður hefur verið handtekinn og ákærður fyrir morð.

Ekki er vitað hvað liggur að baki árásinni en einn af möguleikunum sem lögreglan rannsakar er hvort um hatursglæp hafi verið að ræða.

Washington Post greinir frá því að fjórir eða fimm unglingar hafi fengið sér skyndibita eftir bænastund. Þau gengu á götunni þegar bílstjórinn réðst að þeim.

Unglingarnir hlupu inn í moskuna en Nabra komst ekki þangað og síðar var tilkynnt um hvarf hennar. 

Við leit að henni stöðvaði lögregla bifreið sem þótti grunsamleg. Bílstjórinn, Darwin Martinez Torres, var færður í varðhald en síðar fundust líkamsleifar sem talið er að séu af Nabru en þar fannst einnig hafnarboltakylfa. Krufning mun leiða í ljós hvort um Nabru sé að ræða og hver dánarorsök er.

Frétt BBC.

mbl.is
Svartur lazyboy leðurstóll 2 ára gamall
Virkilega nettur vel með farinn Lazyboy svartur leðurstóll . Verðhugmynd 80.000...
KRISTALL LJÓSAKRÓNUR Útsala
Glæsilegum kristalsljósakrónum, veggljósum, matarstellum, kristals glösum og ska...
Bækur
Til sölu fullt af alls kyns bókum, upplýsingar í síma 8920213...
 
Samkoma
Félagsstarf
Söngsamkoma kl. 20 í Kristni- boðssalnu...
Aðalfundur
Fundir - mannfagnaðir
Félag sjálfstæðismanna, Langholti ...
Eldri borgarar
Staður og stund
Aflagrandi 40 Opin vinnustofa kl. 9, for...
Aðalfundur
Fundir - mannfagnaðir
Félag sjálfstæðismanna Smáíbúða-...