Kraftaverk eftir skot í móðurkviði

Brasilískt ungbarn sem skotið var í móðurkviði þykir hafa komist lífs af fyrir kraftaverk. Vonast er til að barnið, sem er drengur, muni dag einn ná að ganga einn og óstuddur.

Móðirin, Claudineia dos Santos Melo, var komin níu mánuði á leið þegar skot hæfði maga hennar þar sem hún var á göngu í einu af fátækrahverfum Rio de Janeiro-fylkis.

Keisaraskurði var beitt í skyndi til að ná barninu úr móðurkviði en þá kom í ljós að það hafði hlotið mænuskaða við skotið.

Læknirinn José Carlos Oliveira, sem fylgist nú með heilsufari móður og barns, segir það kraftaverk að barnið hafi komist lífs af.

„Í dag er hann lamaður en allt getur gerst í lífi þessa barns,“ segir hann í samtali við BBC og bætir við að hann hafi ekki séð neitt mál þessu líkt.

• 1 blogg um fréttina

Bloggað um fréttina

• Lífsréttur: Hinum ófæddu er í mörgum tilvikum vel hægt að bjarga …