Bandarískar herþotur voru við æfingar í Suður-Kóreu í dag og flugu þær skammt frá hlutlausa svæðinu sem liggur við landamæri Suður- og Norður-Kóreu. Æfingarnar eru til að minna á hernaðarmátt S-Kóreu og bandarískra bandamanna þeirra í kjölfar eldflaugaskots norðurkóreskra yfirvalda í vikunni.

Tvær bandarískar herþotur, sem voru af gerðinni B-1B Lancers, flugu frá Anderson-herstöðinni í Gvam í Kyrrahafi. Þær tóku þátt í 10 klukkustunda æfingu með suðurkóreskum og japönskum herþotum. Talsmaður bandaríska flughersins segir að þarna hafi hersveitir landanna verið að bregðast við aðgerðum yfirvalda í Norður-Kóreu, sem skutu langdrægri eldflaug á loft á þriðjudag. Sú aðgerð olli miklum titringi og leiddi m.a. til þess að öryggisráð Sameinuðu þjóðanna kom saman. 

Suðurkóreska fréttstofan Yonhap segir að sprengjuvélarnar, sem hafa mikið flugþol, hafi flogið nærri landamærunum að N-Kóreu áður en þær sneru til baka.

Herþoturnar notuðu virkar sprengjur við æfingarnar en þær vörpuðu m.a. 900 kg snjallsprengjum og notuðu geisla til að miða nákvæmlega á skotmarkið.

Tengdar fréttir

Norður-Kórea

Zhao heimsækir Norður-Kóreu

• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu
• N-Kórea skaut í átt að suðurkóreskum eyjum

» Fleiri tengdar fréttir

• Blogga um frétt