Þúsundir manna hafa flúið heimili sín í Vestur-Kanada þar sem miklir vindar blésu krafti í skógarelda sem hafa geisað þar í yfir viku í fylkinu Bresku-Kólumbíu. Um 24 þúsund manns þurftu að yfirgefa heimili sín á svæðinu vegna skógareldanna. Nú hafa um 60 prósent íbúa á svæðinu þurft að flýja.
Navi Saini, talsmaður umdæmisins, greindi frá því að í dag væri alls 161 skógareldur á svæðinu. Þá yfirgáfu 17 þúsund manns heimili sín áður en yfirvöld lýstu yfir neyðarástandi vegna eldanna hinn 7. júlí síðastliðinn.
Í Kaliforníu hefur slökkviliðið náð árangri í baráttu sinni við 11 elda með hjálp flugvéla og þyrlna. Fólki hefur verið sagt að það geti farið aftur á heimili sín en engu að síður að gæta varúðar. Tekist hefur að slökkva 36 prósent eldanna sem hófust 8. júlí og hafa brennt nánast 2.000 mannvirki.