Íhuga frekari viðskiptaþvinganir

Boris Johnson utanríkisráðherra vill þrýsta enn frekar á Kínverja vegna ...
Boris Johnson utanríkisráðherra vill þrýsta enn frekar á Kínverja vegna Norður-Kóreu. AFP

Aðildarríki Evrópusambandsins samþykktu í dag að íhuga að setja frekari viðskiptaþvinganir á Norður-Kóreu fyrir að hafa ráðist í tilraunir á langdrægum skotflaugum sem drífa milli heimsálfa. 

Evrópuþingið fordæmdi tilraunirnar og sagði þær brot á samþykktum Öryggisráðs Sameinuðu þjóðanna. Viðskiptaþvinganir Evrópusambandsins gegn Norður-Kóreu má rekja aftur til ársins 2006 og eru hluti af alþjóðlegu átaki gegn kjarnorku- og sprengjutilraunum Asíulandsins. Talið er að markmiðið með tilraununum sé að þróa drægni sem næði til meginlands Bandaríkjanna. 

Þingið tekur hins vegar afstöðu gegn hvers kyns hernaðaríhlutun.

Boris Johnson, utanríkisráðherra Bretlands, segir að setja verði meiri þrýsting á yfirvöld í Norður-Kóreu, sérstaklega frá Kína og helstu viðskiptalöndum. 

„Besta leiðin til þess er að setja þrýsting á Kínverja. Við sjáum framfarir í þeim efnum en það er langt í land,“ sagði Johnson. 

Greint var frá því á mbl.is að stjórn­völd í Suður-Kór­eu hefðu boðið ráðamönn­um Norður-Kór­eu til viðræðna um hernaðar­mál. Fall­ist yf­ir­völd í Norður-Kór­eu á viðræðurn­ar verður það í fyrsta skipti frá 2015 sem ráðamenn ríkj­anna ræðast við.

mbl.is
Akureyri - vönduð íbúðagisting
Vönduð og vel útbúin íbúðagisting. Uppábúin rúm, net og lokaþrif. Komdu á norður...
inntökupróf
Inntökupróf í læknisfræði í Jessenius Faculty of Medicine í Martin Slóvakíu verð...
Kvæði Bjarna Thorarensen 1847
Til sölu afar fágæt ljóðabók eftir Bjarna Thorarensen amtmann, Kvæði, prentuð í ...
 
Bækur til sölu
Til sölu
Bækur til sölu Menntamál 1.-42. árg. ...
Félagsstarf
Staður og stund
Aflagrandi 40 Opin vinnustofa frá kl. 9,...
Aflamark
Tilkynningar
??????? ??????????????? ? ??? ?? ????...
Hádegisfundur
Fundir - mannfagnaðir
ses.xd.is Samtök eldri sjálfstæði...