Innkalla hættulega strandskó

Verslunarkeðjan Primark, sem er Íslendingum góðkunn, hefur innkallað þúsundir para af strandskóm eða „flip flops“ eftir að í ljós kom að þeir innhalda krabbameinsvaldandi efni í hættulegu magni.

Primark biður alla þá sem hafa keypt slíka skó að skila þeim og fá endurgreitt, en um er að að ræða þrjár dökka liti af sandölum; svarta, bláa og græna. Skórnir voru á tilboði í verslunum Primark frá 4. janúar til 2. júní á þessu ári. Efnið sem um ræðir er chrysene, sem gjarnan er notað við framleiðslu á dökkum litum.

Strandskór af þessu tagi gætu hafa læðst í innkaupapoka Íslendinga í Primark.

Rannsókn hefur verið hafin á því hvernig þetta gat gerst, en í samtali við Sky fréttastofuna sagði talsmaður verslunarkeðjunnar að öryggi viðskiptavina og gæði vara skipti öllu máli. Þess vegna hefði verið ákveðið að innkalla skóna.

Hann sagði jafnframt að ekki hefðu verið pantaðar vörur frá verksmiðjunni sem framleiddi skóna, eftir að upp komst um málið. Ekki hefur verið gefið upp hvar verksmiðjan er staðsett.

• Blogga um frétt