Á yfir höfði sér 20 ára fangelsisvist

Michelle Carter og Conrad Roy.
Michelle Carter og Conrad Roy. Skjáskot af The Telegraph

Hin tví­tuga Michelle Cart­er á yfir höfði sér tuttugu ára fangelsisvist, en hún var í júní fundin sek um mann­dráp af gá­leysi eft­ir að hafa hvatt kær­asta sinn, Conrad Roy III, til sjálfs­vígs með smá­skila­boðum. Refsing hennar verður ákvörðuð í dag.

Fyr­ir þrem­ur árum fannst Roy lát­inn í bíl sín­um á bíla­stæði við versl­un í Fair­haven í Massachusetts-ríki. Dánar­or­sök­in var kolt­ví­sýr­ingseitrun. Carter hafði sent Roy hundruð skilaboða þar sem hún hvatti hann til að taka eigið líf. 

„Þetta er rétti tíminn og þú ert tilbúinn... gerðu það bara ástin,“ skrifaði Carter meðal annars í skilaboðum sem hún sendi Roy sama dag og hann tók eigið líf. „Ég elska þig. Dreptu þig,“ skrifaði hún jafnframt.

Faðirinn biðlar til dómara

Faðir stúlkunnar, David Carter, hefur biðlað til dómarans að gefa dóttur sinni vægasta mögulega dóminn. „Ég bið til Guðs að þú munir taka til greina að Michelle var vandræðaunglingur og viðkvæm í mjög erfiðum aðstæðum og gerði hræðileg mistök,“ skrifaði hann í bréfi til dómarans. 

Sagðist hann jafnframt vona að hún fengi aðeins skilorðsbundinn dóm og yrði gert að fara í sálfræðimeðferð. „Ég er 100 prósent viss um að hún hafi verið að gera það sem hún taldi rétt fyrir Conrad,“ skrifaði faðirinn.

Lawrence Mon­iz, dóm­ari í mál­inu, sagði í júní að Carter væri sek um „grimmi­lega og gá­leys­is­lega hegðun“. Í smá­skila­boðunum hafði hún skipað Roy að fara aft­ur inn í bíl­inn sinn og fremja sjálfs­morð en Roy hafði stígið út úr bíln­um því hann hafið hætt við og haft sam­band við kær­ustu sína.

mbl.is

Bloggað um fréttina

Akureyri - vönduð íbúðagisting
Vönduð og vel útbúin íbúðagisting. Uppábúin rúm, net og lokaþrif. Komdu á norður...
Sendiráð óskar eftir fullbúinni íbúð
Við erum með sendiráð sem vantar íbúð í 12 mánuði, frá 1. mars. Íbúðin þarf að v...
Ford Transit árg 2007 9 manna
Ford Transit, 8 farþega. árgerð 2007 ek. 337.000 km. Hentar einnig sem leigubíl...
LJÓSMYNDANÁMSKEIÐ 20. OG 22. FEB.
2ja DAGA LJÓSMYNDANÁMSKEIÐ 20. OG 22. FEB. 2ja daga byrjenda ljósmyndanámsk...
 
L edda 6018022019 i
Félagsstarf
? EDDA 6018022019 I Mynd af auglýsin...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...
Framhald
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9 og b...