Umsátur um skrifstofur ríkissaksóknara
Setja bókamerki
Öryggissveitir í Venesúela hafa umkringt skrifstofur ríkissaksóknara í höfuðborginni Caracas. Yfirsaksóknari segir að um umsátursástand sé að ræða.
Í gær kom saman stjórnlagaþing í Caracas, ný stofnun sem hefur það hlutverk að endurskrifa stjórnarskrá landsins. Á þinginu eiga sæti 545 fulltrúar sem kjörnir voru í umdeildum kosningum sem fram fóru síðasta sunnudag.
Luisa Ortega, yfirsaksóknari hefur beðið beðið dómstóla um að stöðva vígsluna með vísan til gruns um að yfirvöld hafi átt við niðurstöður kosninganna til stjórnlagaþingsins. Henni hefur nú í framhaldinu verið vikið frá störfum.
„Ég er mótfallinn umsátrinu um aðalskrifstofu ríkissaksóknara,“ segir Ortega í færslu á Twitter í gær en hún er meðal helstu gagnrýnanda forseta landsins, Nicolas Maduro. „Ég fordæmi þessa einræðistilburði fyrir þjóðinni allri og alþjóðasamfélaginu,“ segir Ortega ennfremur.
Maduro forseti segir stjórnlagaþingið gegna nauðsynlegu hlutverki í þágu friðar í landinu, enda hafi ástand ríkt í Venesúela í kjölfar efnahagsþrengingum í landinu. Stjórnarandstaðan aftur á móti segir að svo virðist sem hin nýja stofnun gegni aðeins því hlutverki að auka völd forsetans.
Uppfært kl. 16:12:
Luisu Ortega hefur verið vikið frá störfum sem yfirsaksóknari í Venesúela. Það var stjórnlagaþingið sem samþykkti að henni yrði vikið frá völdum en hún er yfirlýstur andstæðingur Maduro forseta og það var hún sem hóf rannsókn á meintu misferli við kosningarnar til þingsins.
Veiting hvalveiðileyfis ekki brot á EES-samningi
„Hvílir mikil leynd yfir þessu öllu“
„Skýr skilaboð til Seðlabankans“
Vélsleðaslys: Þyrlan kölluð út á mesta forgangi
Shakespeare fannst í skókassa
„Það þarf að vinna mikinn fjölda upp“
„Okkur miðar í rétta átt“
Æskuvinur Íslendings myrtur í Noregi