Útlit er fyrir að flóttafólki og hælisleitendur sem koma sjóleiðina til Spánar muni fjölga enn frekar í ár og að hópurinn verði jafnvel enn fjölmennari en sá sem kemur á landi í Grikklandi. Þetta kemur fram í nýjustu tölum IOM, alþjóðlegrar stofnunar fólksflutninga.

Í tilkynningu IOM kemur fram að nærri 8.200 flóttamenn og hælisleitendur hafi komið til Spánar það sem af er árinu. Er það meira en þrefaldur fjöldi þeirra sem komu til landsins í fyrra og hefur fjöldinn raunar þegar farið fram úr heildarfjölda ársins 2016.

Tölurnar eru ekki háar er þær eru bornar saman við þann fjölda sem komið hefur á land á Ítalíu það sem af er árinu, en til Ítalíu hafa komið um 96.400 flóttamenn og hælisleitendur. Spánn nálgast hins vegar ört fjölda þeirra sem komið hafa til Grikklands á árinu, 11.713 manns.

Joel Millman, talsmaður IOM, segir líklegt að Spánn muni taka fram úr Grikklandi. „Ef það gerist er það mikil breyting,“ segir hann. Margir velji að ferðast meðfram strönd Afríku til Marokkó vegna þess að leiðin telst tiltölulega hættulaus, í stað þess að ferðast í gegnum Sahara eyðimörkina og Líbýu til Ítalíu.

Furðu lostnir gestir standar á Suður Spáni fylgust í gær með því þegar gúmmíbátur fullur af flóttafólki kom á land á ströndinni. Þá komu 12 manns á sæþotum yfir hafið frá Ceuta í norður Marokkó í gær, þar sem einn 28 ára gamall maður frá Gíneu drukknaði áður en hægt var að koma honum til bjargar.

Millman segir að fólkið sem kemur til Spánar sé að koma á mun minni bátum en þeim sem sendir eru frá Líbýu til Ítalíu þar sem bátar eru oftar sem ekki yfirfullir af fólki sem skapar mikla hættu. 

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt