Dómari í Kaliforníu-ríki í Bandaríkjunum hefur dæmt 21 árs gamlan mann í lífstíðarfangelsi fyrir að berja kínverskan framhaldsnema til dauða.
Andrew Garcia er annar einstaklingurinn til þess að vera dæmdur í máli Xinran Ji, 24 ára gamals rafmagnverkfræðinema við Háskólann í Suður-Kaliforníu, sem lést eftir að hópur manna réðst á hann með hafnaboltakylfu og skiptilykli.
Atvikið átti sér stað þegar Ji gekk heim eftir að hafa verið í leshóp í lok júlí. Honum tókst að flýja en fannst látinn á heimili sínu nokkrum klukkustundum síðar.
Tveir árásarmannanna bíða enn eftir réttarhöldum í málinu en saksóknarar segja að þeir hafi ráðist á Ji vegna þess að hann var kínverskur og þeir héldu að hann væri með reiðufé á sér.