Ökumaðurinn hugsanlega látinn

Moussa Ouka­b­ir.
Moussa Ouka­b­ir. Mynd/Skjáskot Twitter

Hinn 17 ára gamli Moussa Ouka­b­ir, sem talinn er hafa verið ökumaður sendiferðabílsins sem ekið var á hóp fólks á Römblunni í Barcelona í gær, gæti verið einn þeirra fimm sem lögreglumenn skutu til bana í bænum Cambrils í gær. Þetta segir spænska lögreglan að því er fram kemur á vef Sky fréttastofunnar.

Þrettán manns létust og yfir hundrað særðust í hryðjuverkaárásinni. Er Oukabir sagður hafa hlaupið af vettvangi eftir að hafa ekið bílnum inn í mannfjöldann. 

Moussa er bróðir Driss Oukabir sem handtekinn var í gær, grunaður um aðild að hryðju­verka­árás­inni, en skil­ríki þess síðar­nefnda voru notuð til að leigja sendi­ferðabíl­inn.

Skilríki Driss Oukabir voru notuð til að leigja sendi­ferðabíl­inn.
Skilríki Driss Oukabir voru notuð til að leigja sendi­ferðabíl­inn. AFP

Car­les Puig­demont, for­seti Katalón­íu, varaði við því í út­varps­viðtali í morg­un að grunaður hryðju­verkamaður hefði kom­ist und­an eft­ir hryðju­verka­árás­ina og á meðan hann væri á flótta gæti enn stafað hætta af hon­um.

Spænska lög­regl­an kom seint í gær­kvöldi í veg fyr­ir aðra hryðju­verka­árás í bæn­um Cambrils, um 100 km suður af Barcelona. Þar voru fimm meint­ir hryðju­verka­menn skotn­ir til bana, en þeir voru í sendi­ferðabíl sem ók á gang­andi veg­far­end­ur í bæn­um með þeim af­leiðing­um að einn lést og sjö særðust.

Sorg ríkir í Barcelona.
Sorg ríkir í Barcelona. AFP

Árás­ar­menn­irn­ir á Römblunni í gær eru tald­ir hafa ætlað sér að nota ein­hvers kon­ar gassprengj­ur í árás­inni til að valda enn meiri skaða, en talið er að árás­irn­ar í Bar­celona og Cambrils teng­ist spreng­ingu sem varð í húsi í bæn­um Alcan­ar á miðviku­dag. Einn lést í þeirri spreng­ingu, en að sögn lög­reglu­stjór­ans, Joseps Llu­is Tra­peros, virðist sem íbú­ar húss­ins hafi verið að út­búa gassprengj­ur.

Yf­ir­völd í Katalón­íu segja það nú í for­gangi að bera kennsl á árás­ar­menn­ina og sýna fram á tengsl þeirra þriggja sem hand­tekn­ir hafa verið, þeirra sem felld­ir hafa verið og þeirra sem komust und­an. Talið er að þeir séu hluti af 12 manna hópi.

mbl.is

Bloggað um fréttina

Til sölu panelklæðning 16 mm þykk, þeku
Til sölu panelklæðning 16 mm þykk, þekur 12.5cm. Verð kr. 550 lm án vsk. Uppl. s...
LÚGUSTIGAR - SMÍÐUM EFTIR MÁLI
Sérsmíðað, eigum á lager 68x85 og 55x113 Einnig Álstiga í op 45,7x56 eða stærra ...
fjóir eldhús- stálstólar
fjórir stáleldhússtólar nýlegir á 25,0000 allir sími 869-2798...
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...