Lögreglan í Katalóníu hefur skotið til bana mann sem hugsanlega er Younes Abouyaaqoub sem er talinn hafa ekið sendiferðabíl á gangandi vegfarendur í Barcelona í síðustu viku.

„Þeir hafa skotið til bana grunaðan mann sem gæti hafa framkvæmt árásina,“ sagði heimildarmaður AFP.

Þrettán manns fórust og fjöldi særðist í árásinni í Barcelona. 

Lögreglan hefur ekki staðfest að Abouyaaqoub sé sá sem hafi verið skotinn.

Younes Abouyaaqoub. AFP

Spænskir fjölmiðlar segja að maðurinn hafi verið með sprengjubelti á sér þegar hann var handtekinn, að því er The Telegraph greindi frá. 

Abouyaaqoub hefur verið eftirlýstur af lögreglunni eftir hryðjuverkaárásina. 

Frétt af mbl.is

Hættulegur og mögulega vopnaður

Talið er að lögreglan hafi skotið manninn á vegi í Subirats, vestur af Barcelona, að því er BBC greindi frá.

Fyrr í dag óskaði lögreglan eftir upplýsingum um hinn 22 ára Abouyaaqoub, sem talinn er vera sá síðasti í tólf manna hópi sem er grunaður um að hafa skipulagt hryðjuverkaárásina í síðustu viku.

Fimm þeirra hafa verið skotnir til bana, fjórir hafa verið handteknir og tveir eru hugsanlega látnir eftir eldsvoða.  

Josep Lluis Trapero, yfirmaður lögreglunnar í Katalóníu, á blaðamannafundi fyrr í dag. AFP

Tengdar fréttir

Hryðjuverk í Barcelona

Óhapp varð mörgum til bjargar

• Skutu vopnaðan mann á lögreglustöð
• Sýna undirbúning Barcelona-árásarinnar
• Handtekinn vegna árása á Spáni
• Munir til minningar færðir á safn

» Fleiri tengdar fréttir

• Blogga um frétt