Ekkert lát á kólerufaraldrinum

Lítið barn meðhöndlað vegna kóleru í Jemen.
Lítið barn meðhöndlað vegna kóleru í Jemen. AFP

Talið er að um 850 þúsund manns muni smitast af kóleru sem geisar í hinu stríðshrjáða landi Jemen í lok þessa árs. Fyrr á árinu var talið að hópurinn yrði ekki svona stór heldur um 600 þúsund en nú þegar eru þeir sem hafa smitast af kóleru orðnir 647 þúsund. Þetta kemur fram í tölum frá Rauða krossinum. 

„Við höfum ekki stjórn á þessu og náum ekki að hefta útbreiðsluna,“ segir Robert Mardini, starfsmaður Rauða krossins. Helstu smitleiðir kóleru eru með vatni. Kólera veldur heiftarlegum niðurgangi. 

Innviðir landsins eru í lamasessi eftir ríflega tveggja ára borgarastríð í landinu. Þúsund­ir hafa lát­ist og millj­ón­ir eru á ver­gangi í land­inu vegna stríðsástands­ins. Stjórn­ar­her­inn nýt­ur stuðnings Sádi-Ar­aba í hernaði sín­um en upp­reisn­ar­menn Húta, minni­hluta­hóps í norður­hluta lands­ins, eru sagðir njóta stuðnings Írana. Það hafa þeir þó aldrei staðfest.

Þetta er stærsti kólerufaraldur sem geisar í heiminum. Sárlega vantar fólk til að starfa í heilbrigðisþjónustunni og dæmi um að fjölmargir starfsmenn hafi unnið launalaust í ár. 

Að minnsta kosti 2.065 hafa látist af völdum kóleru í landinu auk þeirra hafa yfir 8.400 manns látist í borgarastríðinu í Jemen, samkvæmt upplýsingum frá Sameinuðu þjóðunum.  

Barn með næringu í æð vegna kóleru liggur á sjúkrahúsi …
Barn með næringu í æð vegna kóleru liggur á sjúkrahúsi í höfuðborginni Saana. AFP
mbl.is
Fleira áhugavert
Fleira áhugavert