Viðbúnaðarstig hækkað í Bretlandi

AFP

Viðbúnaðarstig í Bretlandi hefur verið hækkað og er nú á hæsta stigi, eftir að sprenging varð í lestarvagni við Parsons Green-lestarstöðina í London í morgun. Therasa May, forsætisráðherra Bretlands, tilkynnti þetta nú fyrir skömmu. Þetta kemur fram á fréttavef BBC.

29 voru fluttir á sjúkrahús eftir sprenginguna, en ekkert manntjón varð. Flestir þeirra sem slösuðust eru með brunasár. Ríki íslams hefur lýst yfir ábyrgð á árásinni, en þetta er fimmta hryðjuverkaárásin í Bretlandi á sex mánuðum.

Viðbúnaðarstigið fór frá því að vera verulegt í krítískt sem þýðir að taldar eru líkur á annarri hryðjuverkárás.

May segir þetta hafa þau áhrif að almenningur mun sjá fleiri vopnaða lögreglumenn við samgöngumannvirki borgarinnar. Þetta sé nauðsynleg aðgerð til að auka öryggi borgarinnar á meðan rannsókn á árásinni fer fram.

Sprengjunni, sem sprakk klukkan 8:20 í morgun, var komið fyrir í innkaupapoka í lestarvagni og svo virðist vera að hún hafi ekki virkað sem skyldi.

mbl.is
Uppsetning rafhleðslustöðva
Setjum upp og göngum frá öllum gerðum rafhleðslustöðva Mikil áralöng reynsla ...
NUDD- LÁTTU ÞER LIÐA VEL.
Verð ekki við vinnu fyr en um eða eftir miðjan mars . SIMI 863-2909...
www.flutningur.is 5753000 sendibilastöð
Allar stærðir sendibíla. Traust og góð þjónusta við fyrirtæki og einstaklinga. ...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...