Unnið er nú að því að auka hryðjuverkavarnir við Eiffel-turninn í Paris og er m.a. verið að setja skothelt gler upp í kringum turninn, sem er einn vinsælasti ferðamannastaður í heimi.

Ákveðið var að grípa til þessara aðgerða í kjölfar þeirra hryðjuverka sem framin hafa verið í Frakklandi undanfarin misseri og sem kostað hafa rúmlega 200 manns lífið.

Kostnaðurinn við að setja upp skothelt gler umhverfis garðinn sem er umhverfis Eiffel-turninn er talinn nema um 30 milljónum evra og er áætlað að vinnan taki um níu mánuði, að því er AFP-fréttastofan hefur eftir Jean-Francois Martins, ferðamálastjóra borgarinnar.

Á milli 6-7 milljónir manna gera sér ferð að Eiffel-turninum ár hvert og er þegar stöðug viðvera lögreglu á svæðinu. Borgaryfirvöld í París samþykktu engu að síður einróma í mars á þessu ári auka öryggisgæslu enn frekar vegna „einstaklega mikillar hættu“ á hryðjuverkum.

Í síðasta mánuði klifraði maður sem á við geðræn vandamál að stríða yfir öryggisgirðingu við turninn, sveiflaði hníf og sagðist vilja ráðast áhermenn.

Martins sagði framkvæmdirnar ekki eiga eftir valda neinni röskun hjá þeim sem heimsækja turninn og að allir geti gengið upp að honum þegar þeir séu komnir í gegnum öryggiseftirlit.

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• Blogga um frétt