Skólastúlka í Ástralíu sem þjáist af holdétandi skinnsjúkdóm hefur kallað eftir því að áströlsk yfirvöld kosti rannsóknir á sjúkdómum og smithættum hans. Sjúkdómurinn kallast Buruli ulcer en stúlkan er á batavegi eftir að hafa fengið sjúkdóminn sem finnst oftar í þriðjaheims ríkjum. BBC greinir frá.
Tilfelli stúlkunnar hefur vakið áhyggjur hjá læknum á svæðinu vegna stigvaxandi faraldurs í kringum Viktoríu í Ástralíu þar sem stelpan býr. Heilbrigðisyfirvöld hafa skráð 159 tilfelli það sem af er ári og hafa tilfellin þrefaldast á þremur árum.
Sérfræðingar vita hvorki hvernig koma á í veg fyrir sjúkdóminn né hvernig hann smitast, en fyrstu einkenni stúlkunnar voru verkir í hné sem versnuðu sífellt þar til hnéð bólgnaði svo mikið að stúlkan var með opin sár á hnénu.
BBC hefur eftir sérfræðing að bakterían komist undir húð fólks og éti sig í gegnum skinnið hægt og rólega. Því lengur sem bakterían fær að aðhafast óáreitt því verri verða sár og sýkingar.
Girl, 13, struck down with flesh-eating ulcer on her knee #AusPol Turnbull Shorten government importing 3rd world https://t.co/XDUv7XDhPT
— Free Australian (@den2114) September 20, 2017