Ítölsk kona vann mál gegn vinnuveitenda sínum vegna veikindaleyfis sem hún tók til að annast hund sinn.

Konan er fræðimaður við La Sapienza háskólann í Róm og fór hún í mál við skólann með aðstoð LAV, dýraverndarsamtaka á Ítalíu. Málið er hið fyrsta sinnar tegundar sem fer fyrir ítalska dómstóla.

Dómarinn samþykkti þau rök konunnar að háskólanum bæri að samþykkja fjarvist hennar sem tilkomna af „alvarlegum eða fjölskyldutengdum ástæðum.“ Konan hafði tekið sér leyfi í tvo daga til að annast Cucciola, 12 ára gamlan enskan setter hund á meðan hann var að jafna sig eftir aðgerð.

Bentu lögfræðingar konunnar máli sínu til stuðnings m.a. á að samkvæmt ítölskum lögum þá geti það varðað allt að eins árs fangelsi og 10.000 evra sekt að yfirgefa dýr sem að þjáist.

„Þetta er mikilvægt skref fram á við að fá samþykkt að þau dýr sem ekki er haldið vegna fjárhagslegs ávinnings eða fyrir vinnu, að þau teljist til fjölskyldumeðlima,“ hefur BBC eftir Gianluca Felicetti, formanni LAV.

„Nú geta allir sem eru í sömu stöðu vísað til málsins sem fordæmisgefandi,“ bætti hann við.

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt