Trump „bar eld að sprengiþræði stríðs“
Setja bókamerki
Tengdar fréttir
Norður-Kórea
Donald Trump, forseti Bandaríkjanna, „bar eld að sprengiþræði stríðs“ með ögrandi ræðu sinni á allsherjarþingi Sameinuðu þjóðanna í síðasta mánuði. Þetta sagði Ri Yong-ho, utanríkisráðherra Norður-Kóreu, í samtali við rússnesku fréttastofuna TASS. AFP-fréttastofan greinir frá.
Í ræðu sinni á þinginu hótaði Trump að gereyða Norður-Kóreu og talaði um Kim Jong-un, leiðtoga landsins, sem Eldflaugamanninn.
Trump og Kim hafa skipst á að móðga og ögra hvor öðrum með hinum ýmsu ummælum sem þeir hafa látið falla síðustu mánuði. Spennan á milli þessara tveggja kjarnorkuríkja hefur stigmagnast samhliða því.
„Með herskárri og brjálæðislegri ræðu sinni, má segja að Trump hafi borið eld að sprengiþræði stríðs gegn okkur,“ sagði utanríkisráðherrann í viðtali við rússnesku fréttastofuna í Pyongyang á miðvikudag.
„Okkar æðsti leiðtogi, Kim Jong-un, hefur þegar varað Bandaríkin við. Þau verða að sýna sanngjarna framkomu í okkar garð og hætta að ráðast á okkur ef þau vilja ekki verða niðurlægð fyrir framan allan heiminn, þegar við sýnum hvers við erum megnug.
Ráðherrann ræddi einnig um þær refsiaðgerðir sem Sameinuðu þjóðirnar hafa samþykkt gegn Norður-Kóreu. „Ríkisstjórn lýðveldis okkar hefur mörgum sinnum lýst því að allar tilraunir til að kæfa okkur, eða draga úr styrk okkar, jafngildi stríðsyfirlýsingu.“
Tengdar fréttir
Norður-Kórea
„Hvílir mikil leynd yfir þessu öllu“
Tveir í bílnum sem lenti utan vegar
„Það þarf að vinna mikinn fjölda upp“
Tóku upp hanskann fyrir leikskólabörn
Handteknir eftir myndatöku í Vesturbæjarlaug
Hernaðaraðstoð samþykkt – Vopnasendingar í vikunni
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi