Kennari og nemendur drukknuðu í Þelamörk

Þelamörk er fylki í Noregi
Þelamörk er fylki í Noregi Googlemap

Kennari og tveir nemendur hennar drukknuðu í bátaslysi í Þelamörk í Noregi í vikunni. Þrír nemendur komust heilir á húfi í land er bát þeirra hvolfdi. Af nemendunum fimm voru fjórir úr sömu fjölskyldu.

Í frétt norska ríkisútvarpsins kemur fram að lík kennarans, Gunhild Egenæs, 53 ára, hafi fundist síðdegis í dag en hennar hafði verið leiktað allt frá því slysið varð á fimmtudag. 

Egenæs hafði boðið unga fólkinu í bátsferð en þau eru öll flóttafólk frá Sýrlandi og Sómalíu. Egenæs komst á land ásamt þremur nemendum en synti út aftur til þess að bjarga ungu mönnunum tveimur. Ekkert spurðist til hennar eftir það. Unu mennirnir, 19 og 20 ára, fundust drukknaðir sama dag. 

Mikill fjöldi kafara hefur tekið þátt í leitinni undanfarna daga en slysið varð í Seljordsvatni. 

Frétt NRK

mbl.is
Fleira áhugavert
Fleira áhugavert