Tvö orð sem segja allt
Setja bókamerki
Tengdar fréttir
Kynferðisbrot í Hollywood
Tvö einföld orð, #MeToo (#Ég líka) eru líklega þau orð sem oftast hefur verið deilt á Twitter undanfarinn sólarhring. Um er að ræða herferð gegn kynferðislegri áreitni og kynferðislegu ofbeldi.
Stór hluti þeirra sem deila myllumerkinu á samfélagsmiðlum eru konur sem greina frá því að þær hafi orðið fyrir kynferðislegri áreitni eða kynferðislegu ofbeldi.
Í gær greindi leikkonan Alyssa Milano frá því á Twitter að ef allar konur sem hafa orðið fyrir slíku ofbeldi myndu skrifa færslu undir myllumerkinu #MeToo kæmi sennilega í ljós hversu algegnt vandamálið er.
„Ef þú hefur orðið fyrir kynferðislegri áreitni eða ofbeldi skrifaðu ég líka sem svar við þessari færslu á Twitter,“ skrifar hún.
Margar þeirra kvenna sem tjá sig núna eru að greina frá ofbeldinu í fyrsta skipti. Ofbeldi sem þær hafa gengið í gegnum og skammast sín fyrir - hafa tekið á sig sökina fyrir ofbeldismanninn. Aðrar hafa látið nægja að svara með færslunni #MeToo."
Sumar kvennanna hafa verið beittar ofbeldi af hálfu ættingja þegar þær voru börn eða unglingar. Ofbeldi af hálfu einhvers sem þær treystu. Enginn trúði þeim þegar þær sögðu frá. „Ég vildi óska þess að muna hver ég var áður#MeToo," skrifar Rosey.
„Beitt kynferðislegu ofbeldi af einum úr fjölskyldunni. Nauðgað sem barn og sem fullorðin. Varð fíkniefnafíkill en hafði betur. Aldrei gefast upp. Ég er hér #MeToo,“ skrifar Amy Christensen í færslu á Twitter.
„Beitt kynferðislegu ofbeldi af herlækni á Lackland herstöðinni. 1973," skrifar DebiDay.
„Ég líka. Ég tjáði mig og hvað lærði ég á því. Það að enginn, bókstaflega enginn hlustaði og veitti aðstoð,“ skrifar Lisa Omlid.
Fjölmargir karlmenn tjá sig einnig og lýsa yfir stuðningi við herferðina.
Tengdar fréttir
Kynferðisbrot í Hollywood
Veiting hvalveiðileyfis ekki brot á EES-samningi
„Okkur miðar í rétta átt“
„Það þarf að vinna mikinn fjölda upp“
Árshátíð ríkislögreglustjóra haldin í Tékklandi
Vona að Orkustofnun veiti ekki virkjunarleyfi
Shakespeare fannst í skókassa
Tóku upp hanskann fyrir leikskólabörn
Tveir í bílnum sem lenti utan vegar