Trump grætti ekkju hermanns

Donald Trump hefur verið gagnrýndur fyrir ummæli sem hann lét ...
Donald Trump hefur verið gagnrýndur fyrir ummæli sem hann lét falla um látinn hermann við ekkju hans. AFP

„Hann vissi alveg hvað hann var að kom sér út í.“ Þetta hafði Donald Trump, forseti Bandaríkjanna, að segja við ekkju hermanns sem var drepinn í hernaðaraðgerðum í Níger 4. október.

Þingmaður demókrata, Frederica Wilson, greinir frá því að hún hafi heyrt tillitslausar athugasemdir forsetans í símtali sem hann átti við ekkju hermannsins David Johnson, þegar hún var stödd í bíl með fjölskyldunni. BBC greinir frá þessu.

Frederica Wilson, þingmaður Demókrataflokksins í Flórída.
Frederica Wilson, þingmaður Demókrataflokksins í Flórída. Ljósmynd/Facebook

Talsmaður Hvíta hússins hefur tilkynnt að öll samtöl forsetans við fjölskyldur fallinna hermenn séu trúnaðarmál.

Johnson var 25 ára gamall og einn af fjórum hermönnum sem létust í árás vígamanna al-Qaeda í Níger fyrr í mánuðinum. Eiginkona hans, Myeshia, á von á þeirra þriðja barni.

Wilson segir í samtali við CNN að Trump hafi hringt í Myeshia rétt áður en líkkista Johnson var flutt til Miami. „Hann sagði, bókstaflega: Ég meina, hann vissi líklega hvað hann var að fara út í, en ætli það sé ekki sárt,“ segir Wilson um ummæli forsetans.

„Fyrir mér er þetta eitthvað sem má segja í almennu samtali, en ekki við syrgjandi ekkju,“ segir Wilson jafnframt. Hún lýsir því einnig hvernig Myeshia hafi lítið sem ekkert sagt í símann, hún hafi bara grátið.

Hermaðurinn David Johnson var 25 ára þegar hann lést. Hann ...
Hermaðurinn David Johnson var 25 ára þegar hann lést. Hann var giftur og átti tvö börn og er eiginkona hans, Myeshia, ólétt af þriðja barni þeirra. Ljósmynd/Facebook

Wilson hefur nú tjáð sig í færslu á Twitter þar sem hún segir að David Johnson sé hetja. Donald Trump búi hins vegar ekki yfir þeim persónueiginleikum, samkennd eða sæmd, sem þurfi til að gegna hlutverki forseta Bandaríkjanna.

Trump var gagnrýndur fljótlega eftir árásina fyrir að hafa ekki strax samband við fjölskyldur hermannanna sem létu lífið. Síðastliðinn mánudag tilkynnti hann að hann hefði skrifað bréf til nánustu fjölskyldu allra hermannanna og til stæði að hringja í þær fljótlega.

mbl.is
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Teikning eftir Mugg til sölu
Teikning eftir Mugg til sölu, úr Sjöundi dagur í paradís, blýants og tússteiknin...
Anne-Gaëlle et Benjamin
Le plus beau des voyages c'est celui que nous accomplissons désormais, celui qui...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
 
Aðalskipulag
Tilkynningar
Breyting á Aðalskipulagi Dala...
Aðalfundur
Fundir - mannfagnaðir
Félag sjálfstæðismanna, Langholti ...
Framhald
Nauðungarsala
Uppboð Einnig birt á www.naudungarsolu...
Framhald suðurland
Nauðungarsala
Uppboð Einnig birt á www.naudungarsolu...