Ekki sekur um að nauðga eiginkonu sinni

Hæstiréttur Ontario úrskurðaði að ákæruvaldinu hefði ekki tekist að sanna ...
Hæstiréttur Ontario úrskurðaði að ákæruvaldinu hefði ekki tekist að sanna að maðurinn hafi vitað að hegðan sín var glæpsamleg. Google

Kanadískur karlmaður var sýknaður af nauðgunarákæru, en hann taldi sig geta haft mök við eiginkonu sína hvenær sem hann vildi. 

Hæstiréttur Ontario úrskurðaði að ákæruvaldinu hefði ekki tekist að sanna að maðurinn hafi vitað að hegðan sín var glæpsamleg. Dómarinn Robert Smith dró þó ekki í efa að maðurinn hefði margsinnis haft mök við eiginkonu sína án hennar samþykkis, að því er dagblaðið Ottawa Citizen greinir frá.

Maðurinn var frá Gaza og hjónaband hans og konu hans, palestínskrar konu sem ólst upp í Kuwait, var hagkvæmishjónaband.

„Hjónaband er ekki skjöldur fyrir kynferðisofbeldi,“ skrifaði dómarinn í úrskurði sínum. „Málið sem rétturinn þarf að íhuga er, þegar sönnunargögnin eru skoðuð, hvort að ákæruvaldinu hafi tekist að sanna ásakanirnar.“ Taldi dómarinn ákæruvaldinu ekki hafa tekist að sanna svo enginn vafi léki á að maðurinn hafi ætlað sér að fremja glæp.

Nafn mannsins og konu hans var ekki birt, en hjónin báru bæði vitni fyrir dómstólnum og sögðust hafa talið að karlmaður mætti lögum samkvæmt eiga mök við eiginkonu sína hvenær sem hann vildi.

Sagðist konan hafa margsinnis haft mök við eiginmann sinn án þess að gefa fyrir því samþykki sitt. Eftir að þau skildu í janúar 2013 komst hún hins vegar að því að sér væri heimilt að neita eiginmanni sínum um kynlíf. Þá sagði hún lögreglu frá atviki sem átti sér stað 2002, sem síðar leiddi til ákærunnar.

Segir konan manninn hafa dregið hana niður á sófa, dregið niður buxur hennar og haft mök við hana þrátt fyrir að hún bæði hann í þrígang að hætta. Maðurinn sagði réttinum hins vegar að hann hefði ekki haft mök við hana á þessum tíma þar sem hann hefði þá nýlega farið í hárígræðslu og hefði verið að fylgja fyrirskipun læknis um að forðast kynlíf.

Dómarinn taldi konuna vera trúverðugt vitni og hafnaði skýringum eignmannsins, en kvaðst engu að síður ekki geta dæmt hann sekan um glæp.

mbl.is

Bloggað um fréttina

STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
Faglærðir málarar
Faglærðir málarar Tökum að okkur öll almenn málningarstörf. Tilboð eða tímavinna...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
 
Framhald suðurland
Nauðungarsala
Uppboð Einnig birt á www.naudungarsolu...
L helgafell 6018021419 iv/v
Félagsstarf
? HELGAFELL 6018011019 VI Mynd af au...
Aðalfundur heimssýnar
Fundir - mannfagnaðir
???????? ??????? ???????????????? ? ???...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...