Sendi 3 ára dóttur sína út um miðja nótt

Mikil leit hefur staðið yfir að Sherin frá því hún ...
Mikil leit hefur staðið yfir að Sherin frá því hún hvarf. Facebook/Lögreglan í Richardson

Lögreglan í Texas tilkynnti í dag að lík hefði fundist í tengslum við leit að þriggja ára stúlku, Sherin Mathews sem hefur verið saknað frá því að faðir hennar sendi hana út af heimilinu klukkan þrjú að nóttu í refsingarskyni.

Sherin hefur verið saknað síðan 7. október og hefur BBC eftir lögregluyfirvöldum í borginni Richardson að líkið sé að öllum líkindum af Sherin. Ekki hefur verið gefið upp hver dánarorsök kunni að vera.

Líkið fannst í undirgöngum innan við kílómetra frá heimili fjölskyldunnar og er nú verið að rannsaka svæði sem mögulega vettvang glæps.

Mathews-hjónin eiga ættir að rekja til Indlands og ættleiddu þau stúlkuna frá indversku munaðarleysingjahæli fyrir tveimur árum.

Wesley Mathews, faðir Sherin, var handtekinn og síðar látinn laus gegn tryggingu eftir að hann viðurkenndi að hafa stefnt lífi hennar í hættu með því að senda hana út úr húsi klukkan þrjú að nóttu af því að hún hafði neitað að klára mjólkina sína.

Móðir hennar er sögð hafa verið sofandi þegar atvikið átti sér stað.

Parið á aðra dóttur, fjögurra ára, og var hún send í fóstur eftir þetta.

Mathews sagði lögreglu að dóttir hans væri þroskahömluð og hefði takmarkaða tjáningargetu. Þá yrði að gefa henni oft að borða þar sem hún væri verulega vannærð og að viðbrögð hans hefðu verið tilkominn vegna „pirrings“.

Sagðist hann hafa uppgötvað að hún var horfinn þegar hann fór að kanna með hana korteri síðar. Hann sagði lögreglu að hann hefði þá farið aftur heim og þvegið eina vél þar sem hann hafði ekki of miklar áhyggjur.

Það var svo ekki fyrr en við sólarupprás sem hann tilkynnti að hún væri horfinn.

mbl.is
Herbegi í ágúst og september
Leita eftir herbegi til leigu á höfuðborgarsvæðinu frá 1. ágúst til 7. október n...
HARMONIKKUHURÐIR SPARA MIKIÐ PLÁSS
Smíðum eftir máli, oftast afgreiddar samdægurs, verð frá kr. 13.900,- Mex ehf, ...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Dekk til sölu
2 stk 195x55x15 lítið slitin snjó eða heilsársdekk til sölu ...
 
Félagsstarf
Staður og stund
Aflagrandi 40 Opin vinnustofa kl. 9, for...
Félagsstarf
Staður og stund
Aflagrandi 40 Opin vinnustofa kl. 9, jóg...
Framhald uppboðs
Nauðungarsala
Uppboð Einnig birt á www.naudungarsolu...
Framhalds uppboð
Nauðungarsala
Uppboð Einnig birt á www.naudungarsolu...