Stöðvar happdrætti um græna kortið

Donald Trump Bandaríkjaforseti.
Donald Trump Bandaríkjaforseti. AFP

Donald Trump Bandaríkjaforseti ætlar að binda enda á árlegt happdrætti um græna kortið í Bandaríkjunum eftir að maður frá Úsbekistan sem kom til landsins í gegnum happdrættið drap átta manneskjur og særði ellefu í New York í gær.

„Við verðum að gera hið rétta til að vernda borgara okkar,” sagði Trump við blaðamenn.

„Við verðum að stöðva þetta happdrætti eins fljótt og mögulegt er.”

Happdrættið hefur verið lýði frá árinu 1990. Í gegnum það fá um 50 þúsund manns víðs vegar að úr heiminum landvistarleyfi í Bandaríkjunum á hverju ári. Einnig opnast möguleikinn á að fjölskyldur þeirra sem vinna í happdrættinu fylgi þeim til Bandaríkjanna.

Trump segir einnig að það komi til greina að árásarmaðurinn frá Úsbekistan verði sendur í fangabúðir Bandaríkjanna í Guantanamo á Kúbu.

Segir að árásarmaðurinn sé skepna

Trump segir að árásarmaðurinn sé skepna og hefur kallað eftir harðari refsingum gegn þeim sem eru grunaðir um hryðjuverk.

„Í dag syrgjum við þá sem urðu fyrir hræðilegri hryðjuverkaárás í New York-borg, skammt frá þar sem World Trade Center-byggingarnar stóðu,” sagði Trump.

Hann bætti við: „Við þurfum að beita refsingum  sem eru mun fljótvirkari og mun meiri en þær refsingar sem þessar skepnur eru að fá núna.”

„Þeir eru í mörg ár í réttarsalnum. Að því loknu veit enginn hvað gerist. Við þurfum skjótt réttlæti.”

mbl.is
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
Einstakt tilboð - 14,44 fm Garðhús - kr. 348.500,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
ÚTI HRINGSTIGAR
Vantar stiga af svölunum ofan í garðinn ? Stærð 120, 140 og 160 cm og eftir mál...
Bílalyftur frá EAE á lager, pósta og skæralyftur.
Eigum 4 tonna gólffríar bílalyftur á lager. 15 ára reynsla á íslandi Vökvaknún...