Dauðarefsingin verður tekin upp á nýjan leik í Nebraska-ríki í Bandaríkjunum en henni hefur ekki verið beitt þar í tvo áratugi. Til stendur að taka karlmann af lífi með nýrri blöndu af banvænum lyfjum sem ekki hefur verið prófuð áður.

Fram kemur í frétt AFP að maðurinn, Jose Sandoval, hafi setið á dauðadeild fyrir að hafa myrt fimm manns í bankaráni árið 2002. Honum hafi verið tilkynnt að til standi að taka hann af lífi. Talið er að notkun lyfjablöndunnar gæti þýtt málsóknir.

Haft er eftir Robert Dunham, hjá samtökunum Death Penalty Information Center, að notkun á nýrri lyfjablöndu þýði í raun að aftaka feli í sér tilraun á manneskju. Stjórnvöld í Nebraska segjast ekki hafa áhyggjur af málsóknum vegna aftökunnar.

Komi til aftökunnar verður hún sú fyrsta síðan 1997 þegar fangi var tekinn af lífi með rafmagnsstól. Nebraska-ríki hefur gengið illa að verða sér úti um lyf til þess að nota við aftökur þar sem lyfjafyrirtæki hafa látið undan þrýstingi frá almenningi um að hætta að útvega þau.

Tengdar fréttir

Dauðarefsingar

Tekinn af lífi fyrir tvö morð

• Alabama hefur aftur gjöf banvænna sprauta
• Teknir af lífi fyrir að brenna Kóraninn
• Malasía bannar lögboðna dauðarefsingu
• Mál manns sem var hálfa öld á dauðadeild endurupptekið

» Fleiri tengdar fréttir

• Blogga um frétt