Kærðir fyrir að nauðga 46 börnum

Mannréttindasamtök vonast til að dómsmálið muni binda endi á nauðganir ...
Mannréttindasamtök vonast til að dómsmálið muni binda endi á nauðganir sem vopni í átökunum í Kongó. AFP

18 uppreisnarmenn í Lýðveldinu Kongó hafa verið ákærðir fyrir að nauðga 46 börnum. Börnin koma frá þorpinu Kavumu og eru þau yngstu sögð hafa verið 18 mánaða gömul.

BBC segir mennina hafa beint sjónum að ungum stúlkum af því að andlegur leiðtogi þeirra sagði þeim að blóð jómfrúa myndi veita þeim yfirnáttúrlega vernd. Áttu nauganirnar sér stað á árabilinu 2013-2016 

Frederic Batumike, sem á sæti í héraðsstjórninni og er meintur höfuðpaur uppreisnarmannanna, er sagður neita ásökununum líkt og hinir.

Mannréttindasamtök vonast til að dómsmálið muni binda enda á nauðganir sem vopn í átökunum í Kongó. „Upphaf réttarhaldanna sendir sterk skilaboð um baráttuna gegn refsileysi,“ hefur Reuters-fréttastofan eftir Jean Chrysostome Kijana, sem ver fórnarlömbin.

Segja þrýstihópar málið hafa reynst lögreglu sérlega erfitt rannsóknar, ekki síst vegna þess hve ung sum fórnarlambanna voru. „Fjölskyldur þeirra voru oft sofandi þegar hin meinta nauðgun átti sér stað,“ segir í frétt Reuters.

Þá hefur BBC eftir Lauren Wolfe rannsóknarblaðamanni að þorpsbúar hafi trúað því að töfraduft væri notað til að svæfa þá.

„Ég hugsaði ... gætu þeir [árásarmennirnir] verið að nota einhvers konar jurtadeyfilyf? Það reyndist vera satt. Þeir voru að gera það.“

Uppreisnarmennirnir eru sagðir hafa hafst ólöglega við á mjög frjósamri bújörð sem áður hafði verið í eigu þýsks plöntufræðings, sem var myrtur árið 2012.

Margot Wallström, sem var sérstakur sendifulltrúi Sameinuðu þjóðanna í kynferðisofbeldi á stríðssvæðum, lýsti Kongó sem „nauðgunarhöfuðborg heimsins“ í skýrslu sem hún vann fyrir Sameinuðu þjóðirnar.

mbl.is

Bloggað um fréttina

Frá Sýrlandi til Evrópu - Greinaflokkur

Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
ORNIKA - TREGGING frá YEST
Þær eru komnar aftur, vinsælu ORNIKA treggingsbuxurnar frá YEST Vertu þú sjál...
Flott kommóða rótar-spónn - sími 869-2798
Er með flotta kommóðu, spónlagða og innlagða á 25.000. Hæð 85x48x110 cm, 5 skúff...
ÍBÚÐ TIL LEIGU Björt 110 m 2, 3- 4 herb
ÍBÚÐ TIL LEIGU Björt 110 m 2, 3- 4 herbergja íbúð í 101. Mikil lofthæð, tvennar ...
 
Vantar þig trésmið
Iðnaðarmenn
Vantar þig trésmið? Úrræðagóður húsa...
Aðalfundur isnic 2018
Fundir - mannfagnaðir
Aðalfundur ISNIC 2018 Aðalfundur Inter...
Eldri borgarar
Staður og stund
Aflagrandi 40 Opin vinnustofa kl. 9, for...
Skattadagurinn
Fundir - mannfagnaðir
SKATTADAGUR FLE Ráðstefna um skattam...