„Þessar sögur eru sannar“

Uppistandarinn Louis C.K. játar að hafa fróað sér fyrir framan ...
Uppistandarinn Louis C.K. játar að hafa fróað sér fyrir framan kvenkyns uppistandara. AFP

Bandaríski uppistandarinn Louis C.K. hefur viðurkennt að ásakanir fimm kvenna um kynferðisofbeldi af hendi hans séu sannar.

„Þessar sögur eru sannar,“ segir leikarinn í yfirlýsingu sem hann sendi frá sér í dag og BBC greinir frá. 

Hann segir að hann hafi „beitt valdi sínu með óábyrgum hætti“ og að hann ætti erfitt með að gera sér grein fyrir hversu umfangsmiklum sársauka hann hafi valdið konunum.

„Valdið sem ég hafði yfir þessum konum fólst í því að þær dáðust að mér. Og ég beitti því valdi með óábyrgum hætti,“ segir hann.  

Fjórar konur komu fram undir nafni í umfjöllun the New York Times þar sem þær greindu frá hegðun C.K. sem meðal annars afklæddist og fróaði sér fyrir framan þær. Ein kona til viðbótar hefur sakað C.K. um kynferðislega áreitni. 

Ásakanirnar hafa meðal annars leitt til þess að hætt hefur verið við frumsýningu á nýjustu kvikmynd C.K., I Love You Daddy.

C.K. biðst jafnframt afsökunar á þeim særindum sem samferðafólk hans hefur orðið fyrir í gegnum tíðina vegna gjörða hans. Þar á hann meðal annars við umboðsmann sinn, Dave Becky, fjölskyldu sína, vini, börn sín og barnsmóður.

mbl.is

Bloggað um fréttina

Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Bækur
Til sölu fullt af alls kyns bókum, upplýsingar í síma 8920213...
Sendibílaþjónustan Skutla. Sími 867-1234
Tökum að okkur allrahanda sendibílaþjónustu á sanngjörnu verði. Sjá nánar á www....
Egat Diva - Snyrti-Nuddbekkur,Rafmagns fyrir Snyrti,Fótaaðgerða,spa....
Egat Diva - Rafmagns snyrti-/nuddbekkur, Vatnshelt áklæði, svartir og beige ...
 
Framhald
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Félag sjálfstæðismanna Smáíbúða-...
Uppboð
Tilkynningar
UPPBOÐ Boðnir verða up...
Aðalfundur
Fundir - mannfagnaðir
Félag sjálfstæðismanna, Langholti ...