Græðir á tá og fingri

Myndin fræga þar sem Juli Briskman sendir Trump fingurinn.
Myndin fræga þar sem Juli Briskman sendir Trump fingurinn. AFP

Yfir 70 þúsund Bandaríkjadalir, 7,3 milljónir króna, hafa safnast á hópfjármögnunarvefnum GoFundMe en um er að ræða söfnun til hjólreiðakonu, Juli Briskman, sem sendi Donald Trump, forseta Bandaríkjanna, fingurinn þegar bílalest hans fór fram úr henni. Briskman var rekin úr starfi eftir atvikið.

Yfir þrjú þúsund hafa látið fé af hendi rakna, allt frá fimm Bandaríkjadölum til 250 dala, frá því söfnunin hófst 6. nóvember. 

Fréttaljósmyndarar náðu mynd af því þegar Briskman réttir löngutöng út þegar bílalestin ekur fram hjá henni 28. október skammt frá golfvelli Trumps í Sterling í Virginíuríki. Myndin fór víða og þremur dögum síðar var hún rekin úr starfi.

Briskman starfaði á markaðs- og kynningarsviði verktakafyrirtækisins Akima. „Takk fyrir, Juli Briskman,“ skrifar Rob Mello, sem setti upp reikninginn á hópfjármögnunarvefnum. Hann segir hana hvetja aðra til dáða og að allt sem safnist muni renna í hennar vasa.

mbl.is
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
Chesterfield sófasett til sölu
Tignarlegt Chesterfield sófasett til sölu. Vel með farið. Í settinu fylgir þrigg...
Ford Transit árg 2007 9 manna
Ford Transit, 8 farþega. árgerð 2007 ek. 337.000 km. Hentar einnig sem leigubíl...
 
Mat á umhverfisáhrifum
Tilkynningar
Mat á umhverfisáhrifum Athu...
Samkoma
Félagsstarf
Söngsamkoma kl. 20 í Kristni- boðssalnu...
Aðalfundur
Fundir - mannfagnaðir
Félag sjálfstæðismanna, Langholti ...
Framhald suðurland
Nauðungarsala
Uppboð Einnig birt á www.naudungarsolu...