Kallaði Trump „leikskólakrakka“
Setja bókamerki
Þjóðaröryggisráðgjafi Donalds Trumps Bandaríkjaforseta, hershöfðinginn H.R. McMaster, er sagður hafa kallað forsetann „leikskólakrakka“ í einkasamkvæmi í júlí. Þetta kemur fram á fréttavef breska dagblaðsins Daily Telegraph.
Fram kemur í fréttinni að McMaster hafi kallað Trump „fábjána“ og „fífl“ og bætt því við að hann hefði gáfnafar á við „leikskólakrakka“.
Fullyrt er að hershöfðinginn hafi ennfremur gagnrýnt ýmsa aðra í stjórnarliði forsetans. Þar á meðal James Mattis varnarmálaráðherra, fyrrverandi ráðgjafa Trumps Steve Bannon og tengdason forsetans Jared Kushner.
Þá segir í fréttinni að McMaster hafi sagt að Trump skorti skynsemi til þess að skilja þau mál sem lægju fyrir þjóðaröryggisráði Bandaríkjanna.
Talsmenn bandarískra stjórnvalda hafa vísað því á bug að McMaster hafi látið þessi orð falla um Trump og fullyrt að þeir sem tekið hafi þátt í samkvæminu kannist ekkert við þau.
Þetta er ekki í fyrsta sinn sem fulltrúi í stjórnarliði Trumps er sagður hafa viðhaft slík ummæli. Þannig var greint frá því í síðusta mánuði að Rex Tillerson utanríkisráðherra hefði kallað forsetann hálfvita.
Mikilvægt að vera á tánum
Gul viðvörun tók gildi í morgun
Myndskeið: Segjast hafa skotið niður sprengjuflugvél
„Búið að vera í dreifingu í einhvern tíma“
Segjast ekki vera á kaldri slóð
Ný staða uppi og óvissan meiri
Sama stefna í gildi í útlendingamálum