Lögreglan í London dregur úr viðbúnaði

Lögreglan í London greindi frá því á twittersíðu sinni nú rétt í þessu að hún hefði dregið úr viðbúnaði á Oxford Circus-lestarstöðinni. Lestarstöðin var rýmd vegna gruns um hryðjuverk síðdegis.

Lögregluþjónn að störfum í London. AFP

Lestarstöðin við Oxford-stræti hefur verið opnuð aftur, sem og Bond-lestarstöðin en henni var einnig lokað um tíma. Lögregla hefur ekki fundið neitt sem bendir til þess að skotum hafi verið hleypt af en henni barst tilkynning um slíkt fyrr í dag.

Frétt af mbl.is

Tilkynnt um skothvelli í London

Lögregla segir að hún hafi þurft að bregðast við fregnum líkt og um hryðjuverk væri að ræða en fólk á Oxford-stræti hafði verið hvatt til að leita skjóls innandyra.

Fjöldi vopnaðra lögregluþjóna var sendur á vettvang. AFP

• Blogga um frétt