Leikkonan Uma Thurman sendi kvikmyndaframleiðandanum Harvey Weinstein virkilega kaldar kveðjur á þakkargjörðarhátíðinni.

Tugir kvenna í Hollwyood hafa sakað Weinstein um kynferðislegt ofbeldi og áreitni. Uppljóstranirnar hafa orðið til þess að flóðgáttir hafa opnast þar sem konur víða um heim segja frá áreitni og ofbeldi sem þær hafa orðið fyrir við störf sín.

Thurman sagði eftir að málið komst fyrst í hámæli að hún væri of reið til að tjá sig nokkuð um það. En á fimmtudag rauf hún þögnina.

„Gleðilega þakkargjörð allir! (Nema þú Harvey, og allir þínir illa innrættu samsærismenn - ég er ánægð að þetta er hægfara - þú átt ekki skilið byssukúlu),“ skrifaði Thurman á Twitter. Hún bætti því svo við að hún væri þakklát fyrir að vera á lífi og þakklát þeim sem hefðu gengið fram fyrir skjöldu.

„Ég sagði nýverið að ég væri reið og ég hef nokkrar ástæður til þess, #metoo, ef þú sérð það ekki á mér,“ skrifaði hún og átti þar með við að hún hefði einnig verið áreitt eða beitt ofbeldi.

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

• Blogga um frétt