Að minnsta kosti 483 létust í jarðskjálftanum mikla í Kermanshah-héraði í Íran. Skjálftinn varð hinn 12. nóvember og mældist 7,3 stig.
Í síðustu viku var sagt að 436 hefðu látist en nú er ljóst að margir þeirra sem slösuðust og voru fluttir á sjúkrahús létust af meiðslum sínum.
Skjálftinn varð í fjallahéraði í grennd við landamærin að Írak. Um 12.000 slösuðust. Átta létust í Írak.
Jarðskjálftar eru algengir í Íran. Árið 1990 létust 40 þúsund manns í kjölfar skjálfta sem mældist 7,4 stig.