Bandarísk stjórnvöld hafa hvatt þjóðir heimsins til að slíta öll diplómatísk og viðskiptasambönd við Norður-Kóreu vegna nýjustu eldflaugatilrauna þeirra.
„Við hvetjum allar þjóðir til að slíta öll tengsl við Norður-Kóreu,“ sagði Nikki Haley, sendiherra Bandaríkjanna hjá Sameinuðu þjóðunum, á neyðarfundi Öryggisráðs SÞ í kvöld
Bandaríkin, Japan og Suður-Kórea óskuðu eftir fundinum eftir að Norður-Kórea skaut langdrægri eldflaug sem lenti í Japanshafi.
„Ef það verður stríð þá er enginn vafi um það að valdhöfum í Norður-Kóreu verður gjöreytt,“ bætti Haley við.