Bandarísk stjórnvöld styðja sem fyrr tilraunir til þess að tryggja friðsamlega sambúð Ísraela og Palestínumanna. Þetta sagði Nikki Haley, sendiherra Bandaríkjanna hjá Sameinuðu þjóðunum, í umræðum í öryggisráði SÞ í dag þar sem rætt var um ákvörðun Donalds Trumps Bandaríkjaforseta á miðvikudaginn að viðurkenna Jerúsalem sem höfuðborg Ísraels.

„Leyfið mér að fullvissa ykkur um það enn á ný að forsetinn og ríkisstjórn hans styðja sem fyrr friðarferlið,“ sagði Haley á neyðarfundinum sem boðað var til vegna málsins. Haley sagði að Trump hefði einfaldlega með ákvörðun sinni verið að viðurkenna raunveruleikann enda væri aðsetur ríkisstjórnar Ísraels og þing landsins í Jerúsalem.

Haley rifjaði einnig upp orð Trumps um að ákvörðun hans hefði engin áhrif á það með hvaða hætti Ísraelar og Palestínumenn ættu mögulega eftir að semja um mörk innan borgarinnar helgu en Palestínumenn vilja að austurhluti hennar verði höfuðborg ríkis þeirra í framtíðinni.

Haley sagðist skilja áhyggjur vegna málsins og bætti við: „Breytingar eru erfiðar.“

Tengdar fréttir

Trump viðurkennir Jerúsalem

„Þetta er svívirðileg árás“

• Hætta stuðningi við flóttafólk frá Palestínu
• Ivanka mætt til Jerúsalem
• Hugsanlega viðstaddur opnun sendiráðsins
• Bandaríkin draga úr neyðaraðstoð innan SÞ

» Fleiri tengdar fréttir

• 1 blogg um fréttina

Bloggað um fréttina

• Tryggvi Helgason: Ísland á að viðurkenna Jerúsalem sem höfuðborg Ísraelsríkis.