„Þetta er New York“

Lögreglumaður á vettvangi í morgun.
Lögreglumaður á vettvangi í morgun. AFP

Fjórir særðust í sprengju sem sprakk á neðanjarðarlestarstöðinni við Port Authority-samgöngumiðstöðina í nágrenni Times Square í New York snemma í morgun að staðartíma. Borgarstjóri New York segir að sprengingin hafi verið hryðjuverkatilræði.

Talsverð skelfing greip um sig þegar sprengjan sprakk og raskanir urðu á áætlunarferðum.

Maðurinn sem grunaður er um að hafa sprengt sprengjuna er særður í varðhaldi. Hann heitir Akayed Ullah og er 27 ára gamall. Enginn hinna sem slasaðist særðist lífshættulega.

„Þetta er New York. Raunveruleikinn er sá að við erum skotmark marga sem vilja senda úr yfirlýsingu gegn frelsi og lýðræði,“ sagði Andrew Cuomo, ríkisstjóri New York.

„Þetta var hryðjuverkatilræði,“ sagði Bill de Blasio, borgarstjóri New York. „Guði sé lof að árásarmanninum tókst ekki að framkvæmda ætlunarverk sitt.

Ullah festi sprengiefni við líkama sinn og brenndist á höndum og líkama, auk annarra sára.

Samkvæmt upplýsingum frá Urði Gunnarsdóttur, fjölmiðlafulltrúa utanríkisráðuneytisins, hefur enginn Íslendingur haft samband við ráðuneytið vegna sprengingarinnar. 

mbl.is
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Bílalyftur frá JEMA á lager, pósta og skæralyftur.
Eigum 4 tonna gólffríar bílalyftur á lager. Einnig snigildrifnar danskar gæðaly...