Nóbelsverðlaunahafa hefði verið hafnað

Claude Simon.
Claude Simon. Ljósmynd/Twitter

Bók franska rithöfundarins, Claude Simon sem hlaut bókmenntaverðlaun Nóbels árið 1985, hefði ekki verið gefin út í dag samkvæmt tilraun sem einn aðdáenda Simon framkvæmdi nýverið.

Rithöfundurinn Serge Volle sendi 19 útgefundum 50 blaðsíður úr Höllinni eftir Simon. Sögusvið bókarinnar er spænska borgarastyrjöldin en Simon lést árið 2005, 91 árs.

Tólf útgefendur höfnuðu því sem Volle sendi þeim og hinir sjö höfðu ekki fyrir því að svara honum. Einn sagði „óendanlega langar setningar láta lesanda missa þráðinn,“ sagði Volle í viðtali við franska útvarpsstöð.

Því var bætt við að fléttan í bókinni væri ekki góð og persónusköpun ekki sannfærandi.

Volle heldur því fram að niðurstaða þessarar óformlegu kannanar sýni að útgefendur í dag hugsi bara um auðlesnar bækur sem nái örugglega ofarlega á metsölulista. Hann neitaði að gefa upp hvaða útgefendur ættu í hlut.

Frétt Guardian.

mbl.is
ÞÝSKAR KERRUR _ FJÖLNOTA OG MEÐ STURTUM
L: 251,305,405,502,611 x B: 153,178,183,203,223 cm, burður 1350 til 3500 kg. Stu...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...
Sambyggð trésmíðavél: Felder. CF 741 3f
Sambyggð trésmíðavél: Felder. CF 741 3f. Hjólsög: fræsari og hefill, afréttari o...