Yfir 30 manns létust í loftárás í Jemen
Setja bókamerki
Að minnsta kosti 30 manns létust og fjölmargir særðust í loftárás Sádi-Araba á fangelsi í borginni Sanaa í Jemen. Flestir hinna látnu eru fangar sem sátu þar inni. Í fyrri árásinni var ein álma hússins sprengd upp og freistuðust margir til að flýja en skömmu seinna var gerð önnur loftárás sem gjöreyðilagði húsið. BBC greinir frá.
Árásarmennirnir styðja ríkisstjórnina í Jemen í stríði þeirra gegn hútum en margir sem sátu inni voru uppreisnarmenn úr þeirra röðum. Hútar hófu uppreisn árið 2004 gegn ríkisstjórn landsins sem var aðallega skipuð súnnímúslimum. Uppreisnarmennirnir beittu skæruhernaði með hléum þar til borgarastríð blossaði upp fyrir rúmum tveimur árum.
Yfir 8.670 manns hafa látist og tæplega 50 þúsund manns hafa særst illa eftir að átökin brutust út árið 2015, samkvæmt Sameinuðu þjóðunum. Í ofanálag býr tæp 21 milljón manna við mikla neyð, hungursneyð og skort á heilbrigðisþjónustu. Kólera hefur breiðst út á ógnarhraða og hafa 2.219 látist af völdum hennar frá því í apríl.
Bifreið ekið á skrifstofu Útlendingastofnunar
Beint frá Kína
Fiskikóngurinn: „Mér fannst sárt að heyra það“
Handtekin eftir að tvö börn fundust látin
Átta morðmál á aðeins tólf mánuðum
„Þetta náttúrulega endar með ósköpum“
Moses Hightower og Prins Póló gefa út eyjalag