Yfirmaður argentínska sjóhersins hefur verið rekinn úr starfi í kjölfar þess að kafbáturinn ARA San Juan hvarf með 44 manna áhöfn í hafinu úti fyrir strönd Argentínu í síðasta mánuði.

Ekkert hefur spurst til kafbátsins síðan og er áhöfnin talin af, en leitaraðgerðir hafa til þessa ekki skilað neinum árangri.

BBC segir varnarmálaráðherra Argentínu hafa rekið aðmírálinn Marcelo Srur í gærkvöldi.

Skip eru enn að leit á því svæði þar sem síðast var vitað um kafbátinn og hefur forseti landsins, Mauricio Macri, sett á fót sérstaka rannsóknarnefnd sem á að rannsaka hvarfið en leitaraðgerðir sjóhersins hafa sætt gagnrýni.

Tengdar fréttir

Kafbátur hverfur við Argentínu

Hafa ekki efni á að lyfta upp kafbátinum

• Brak kafbátsins fundið
• Grunur um mútur við endurbætur á kafbátnum
• Mótmæla að björgunaraðgerðum hafi verið hætt
• Björgunarleit að kafbátinum hætt

» Fleiri tengdar fréttir

• Blogga um frétt