Bandaríkin hafa lagt fram frumvarp um hertar refsiaðgerðir Sameinuðu þjóðanna gegn Norður-Kóreu. Búist er við því að kosið verður um það í öryggisráði Sameinuðu þjóðanna á morgun.
Samkvæmt frumvarpinu verður bannaður flutningur á 90% af allri olíu til landsins, auk þess sem allir Norður-Kóreumenn sem starfa erlendis verða sendir heim innan tólf mánaða.
Öryggisráðið hefur þrívegis hert á viðskiptaþvingunum sínum gegn Norður-Kóreu að undanförnu í því skyni að reyna að fá norðurkóreska ráðamenn til að hætta við kjarnorkuvopnaáætlun sína.