Úkraína hafi rétt til að verja sig

Átökin í Úkraínu hafa staðið yfir síðan 2014.
Átökin í Úkraínu hafa staðið yfir síðan 2014. DIMITAR DILKOFF

Ákvörðun stjórnvalda í Bandaríkjunum til að verja 47 milljónum Bandaríkjadala til að auka varnargetu Úkraínu hefur fengið harða gagnrýni frá stjórnvöldum í Rússlandi. Úkraínsk stjórnvöld taka ákvörðuninni hins vegar fagnandi.

Á föstudag tilkynntu Bandaríkin að þau myndu útvega Úkraínu aukna varnargetu. Í tilkynningu sagði að hjálpin væri eingöngu varnarleg og að landið sé fullveldi sem hafi rétt til að verjast. Átök á milli yfirvalda í Úkraínu og aðskilnaðarsinna í austurhluta landsins sem vilja sameinast Rússlandi hafa staðið yfir síðan í apríl 2014 og kostað 10.000 manns lífið.

Bandaríkin hvetji til aukinna blóðsúthellinga

Tilkynningin var gefin út daginn eftir að leiðtogar Evrópusambandsins samþykktu auknar refsiaðgerðir gegn Moskvu vegna afskipta þeirra í Úkraínu síðastliðna sex mánuði.

Yfirvöld í Moskvu sendu frá sér yfirlýsingu í dag, laugardag, og sögðu Bandaríkin hvetja til aukins blóðbaðs með aðgerðum sínum. Utanríkisráðherrann Sergei Ryabkov sagði yfirvöld í Kiev skjóta á Donbass, svæðið þar sem átökin eru hvað hörðust, alla daga í von um að útrýma óhlýðnum lýðnum.

Aðstoðarutanríkisráðherra Rússlands, nafn, sagði jafnframt að aðgerðir Bandaríkjanna drægju úr möguleikanum á friðsælli málamiðlun á svæðinu og hvatti Úkraínsk stjórnvöld til þess semja við uppreisnarmenn með heiðarlegum samræðum.

Yfirvöld í Úkraínu fagna hins vegar ákvörðuninni og segja Bandaríkin loksins hafa tekið þá ákvörðun að líta á landið sem fullveldi sem hafi fullan rétt á að kaupa vopn til varnar landsins.

Um þessar mundir stendur yfir vopnahlé á Donbass-svæðinu, en báðir aðilar hafa sakað hvorn annan um brot á hléinu.

mbl.is
ÞÝSKAR KERRUR _ FJÖLNOTA OG MEÐ STURTUM
L: 251,305,405,502,611 x B: 153,178,183,203,223 cm, burður 1350 til 3500 kg. Stu...
Laust um næstu helgar - Biskupstungur..
Hlýleg og falleg sumarhús til leigu. Gisting fyrir 5-6. Heit laug og leiksvæði.....
EAE Bílalyftur 2 pósta og skæralyftur 1 og 2 metra 3-4-5 tonna
Eigum á lager skæralyftur 3 tonna sem lyfta 1 m og einnig niðurfellanlegar 3 to...