Jól í skugga ákvörðunar Trumps

AFP

Mikil spenna er í loftinu í Betlehem á sama tíma og jólahátíðin gengur í garð. Miklu færri ferðamenn eru þar í ár í kjölfar ákvörðunar Donald Trump, forseta Bandaríkjanna, að viðurkenna Jerúsalem sem höfuðborg Ísrael.

AFP

Á Manger-torgi í Betlehem komu hundruð Palestínumanna saman, börðu í trommur og sekkjapípur til að mótmæla ákvörðun Trumps fyrr í mánuðinum.

Tólf Palestínumenn hafa verið drepnir síðan Trump lýsti þessu yfir 6. desember, þar á meðal 19 ára piltur sem lést af völdum sára sinna í dag níu dögum eftir að hafa verið skotinn við mótmæli á Gaza. 

AFP

Nahil Banura, kristin kona frá bænum Beit Sahur, skammt frá Betlehem, segir í viðtali við AFP fréttastofuna að Trump hafi tekist að eyðileggja jólin fyrir fólki sem þarna býr.

AFP
mbl.is