Lögreglufulltrúi látinn og sex særðir
Setja bókamerki
Aðstoðarlögreglustjóri lét lífið og sex til viðbótar særðust, þar á meðal fjórir lögreglufulltrúar, þegar lögreglan hugðist svara útkalli í úthverfi nærri Denver í Colorado-ríki í dag.
Útkallið var vegna óláta á heimili í bænum Highlands Ranch, um 20 kílómetrum sunnan við Denver, að því er lögreglan segir frá. Sá grunaði var skotinn til bana.
Hinir særðu hafa verið fluttir á tvö nærliggjandi sjúkrahús og eru þrír þeirra ekki með lífshættulega áverka.
Skotum var hleypt af út úr byggingunni snemma morguns að staðartíma og fór lögregla á staðinn með þungvopnaða sérsveit auk sprengjusveitarbíls, þó ekki sé vitað til þess að sprengiefni hafi fundist á staðnum.
Fjöldi þeirra lögreglumanna sem urðu fyrir skotum virðist vera með þeim hæstu síðan fimm lögreglufulltrúar voru skotnir til bana og fleiri særðir í Dallas í Texas fyrir rúmu ári.
Ofsóttur innan veggja Boeing
Markaðurinn hitnar og leiguverð hækkar hratt
„Það er skiljanlegt að þolinmæði þeirra sé lítil“
Starfsfólk gæti fengið reikning frá Skattinum
Kveðst tala af virðingu: „Ég er enginn dóni“
Fjárfestingin 115 milljarðar króna
Hafa samþykkt kaup fyrir um 9,2 milljarða