Stjórnvöld í Norður-Kóreu hafa opnað á ný fyrir beint símasamband við stjórnvöld í Suður-Kóreu en tvö ár eru síðan klippt var á þau samskipti að skipun einræðisherrans Kims Jong-un.

Stjórnvöld í S-Kóreu staðfesta að þau hafi um klukkan hálfsjö í morgun að íslenskum tíma fengið símtal úr norðri. 

Þetta kemur í kjölfar þess að Kim Jong-un sagðist vilja hefja viðræður við stjórnvöld í Seoul og ætlaði sér að senda lið á vetrarólympíuleikana sem fram fara þar í landi í næsta mánuði.

Engar viðræður hafa átt sér stað á milli ríkjanna frá því í desember árið 2015. Þá lokuðu stjórnvöld í N-Kóreu fyrir þessa samskiptaleið. 

Símtalið í morgun var víst stutt en svo virðist sem enn sé verið að athuga hvort símalínan virki.

Upplýsingafulltrúi forseta Suður-Kóreu segir þetta marka tímamót sem hafi mikla þýðingu.

Í frétt BBC er sagt frá því að samkvæmt suðurkóreskum yfirvöldum séu 33 beinar símalínur á milli stjórnvalda í ríkjunum tveimur. Opnað var fyrir þá línu sem notuð var í morgun árið 1971. 

Suðurkóreskur hershöfðingi ræðir við kollega sinn í norðri í gegnum eina af þeim símalínum sem opnaðar hafa verið milli ríkjanna. Myndin er úr safni. AFP

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt