Þýsk-rússneskur maður hefur viðurkennt að hafa gert sprengjuárás á rútu þýska knattspyrnuliðsins Borussia Dortmund í von um að græða á hlutabréfamarkaðnum.

„Ég sé innilega eftir gjörðum mínum,“ sagði maðurinn, sem er kallaður Sergei W., í yfirlýsingu sem var lesin upp í réttarsal í Dortmund.

Þar kemur fram að hann hafi ekki ætlað sér að meiða eða drepa neinn.

Frétt af mbl.is

Einn maður handtekinn í Dortmund

AFP

Landsliðsmaður úlnliðsbrotnaði

Þrenns konar sprengingar 11. apríl í fyrra urðu til þess að rúður rútunnar brotnuðu og spænski landsliðsmaðurinn Marc Bartra úlnliðsbrotnaði, auk þess sem lögreglumaður hlaut heyrnarskaða.

Fyrst var talið að um árás íslamskra öfgamanna hefði verið að ræða en tíu dögum eftir árásina var Sergei W. handtekinn.

Hann var ákærður fyrir 28 morðtilraunir, fyrir að hafa sprengt sprengjur og valdið alvarlegum líkamlegum skaða.

Dortmund var á leið í burtu frá hóteli sínu í rútunni til að spila leik í Meistaradeild Evrópu þegar árásin var gerð.

AFP

Skráð á hlutabréfamarkað

Liðið er það eina í Þýskalandi sem er skráð á hlutabréfamarkað. Árásarmaðurinn vonaðist til að græða allt að 500 þúsund evrur, eða tæpar 63 milljónir króna, ef hlutabréfin í Dortmund myndu falla eftir árásina.

Þess í stað er W. sagður hafa selt hlutabréf sín daginn eftir árásina og grætt aðeins 5.900 evrur, eða um 740 þúsund krónur.

Mappa með skjölum sem tengjast málinu. AFP

Töpuðu leiknum daginn eftir

Degi eftir árásina spilaði Dortmund við Mónakó en leiknum var frestað vegna árásarinnar. Mónakó vann leikinn.

Árásarmaðurinn á yfir höfði sér lífstíðardóm verði hann fundinn sekur. Samkvæmt þýskum lögum gæti hann fengið reynslulausn eftir fimmtán ár.

Tengdar fréttir

Sprengjuárás í Dortmund

Keppast um að lýsa ábyrgð á árás

• Áttaði mig á því hvað ég er heppinn
• Fótbolti ekki það mikilvægasta í heimi
• Merkel var skelfingu lostin
• Einn maður handtekinn í Dortmund

» Fleiri tengdar fréttir

• Blogga um frétt