Boris Johnson, utanríkisráðherra Bretlands, er þeirrar skoðunar að núgildandi kjarnorkusamningur við Íran komi í veg fyrir að ríkið bæti við sig kjarnorkuvopnum. Eigi að rifta samningnum, líkt og Donald Trump Bandaríkjaforseti hefur gefið í skyn að hann muni gera, þarf að leggja til eitthvað betra í staðinn.

Trump hefur krafist þess að samningurinn verði lagfærður, annars muni Bandaríkin draga sig út úr honum.

Banda­ríkja­menn ásamt fastaríkjum öryggisráðs Sameinuðu þjóðanna, Þýskalands og Evrópusambandsins, auk Írans, standa að sam­ningnum, sem var gerður árið 2015 í forsetatíð Obama.

Johnson átti fund með utanríkisráðherra Írans og fulltrúum Evrópusambandsins í dag. BBC greinir frá því að á fundinum hafi meðal annars komið fram að Íranar hafi ávallt staðið við sinn hluta samningsins. Johnson lýsir samningnum sem „umtalsverðu diplómatísku afreki“.

Trump sagði í október á síðasta ári að samningurinn væri versti samningur sögunnar. Á morgun er búist við því að Trump taki ákvörðun um framhaldið, það er hvort ríkisstjórn hans staðfesti að Íranar hafi staðið við sinn hluta samningsins. Ef niðurstaðan verður neikvæð gæti Trump lagt það til að Bandaríkin taki upp refsiaðgerðir gegn Íran á ný.

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt